Dat heff richtig Spoaß moaket

Landjugend settet sück mit de plattdütsken Sproake uteinänner

Dat is noch man jüst ein halwet Joahrhunnert here, dor sprök mehiertaulande vörnehmlik plattdütsk. Dat de einstige Moudersproake, besünnerns van junge Lüe immer seltener sproaken wet, heff veelerlei Gründe. Bie de Veranstaltung „DörpGespräch“, de de Gemeinde mit de Landvolk-Hochschaule Oesede affsolviert, verkloarden Mitglieder van de Landjugend, dat sei sück gern mit de Sproake van ehre Vorfahren beschäftigen wolln. De Heimatverein grep den Wunsk up. Letzte Weeken tröffen sück Old und Jung bie „Plattdütsk unnern Danneboom“.

Interessiert hörden die Beseukers bie „Plattdütsk unnern Danneboam“ tau, watt de olde Maudersproake us vandoage noch bedüürt. Ulrich Gövert und Anne-Lena Klune verkloart dat upp use Foto. Fotos. Georg Geers

Peter Schmidt, de der Treffen mitintiiert hadde, frahde sück bi siene Begrüßung, dat bolle drei Dutzend „Plattdütsk-Fründe“ inne Mensa tauhope komen wörn. Miteinänner in`t Gespräch komen, over düssen und jenen Utdruck diskutieren, dat scholl de Plattdütskoabend bewirken. Holtheiden Franz un Göverts Ulrich drögen Geschichten vör, over de me diskutierde. Ok Ann-Kathrin Klune, Peter Schmitz un Georg Geers leseden ein poar Geschichten vor.

Ok Ann-Kathrin Klone drög äs jüngste Akteurin ne plattdütske Geschichte vor

Nich alles verstünden de jungen Lüe, over dat et ehr richtig Spoaß mök, de unkloaren Begriffe uteinänner tau klamüsern, dat hörde me an düssen Oabend foaken. Tauhope mit Göverts Ulrich vertellde de Vörsitterin van de Landjugend Klunen Anne-Lena, wat de plattdütske Sproake vandoage in use Gesellschaft doarstellt. Wo unnerschiedlich Plattdütsk sproken wett, verkloarden de Baaden ok. Mit de Upnoahmein de „Europäische Charta der Regional- und Minderheitensprachen“ is de pattdütskte Sproake vör ein poar Joahr offiziell äs eigenständige Sproake uppelistet worn. 

Daut döttig Teilnehmers beteiligenden sick an den Plattdütskoabend

De Teilnehmers van den Plattdütskoabend wörn sück einig, datt me son Treffen noch moal weer wiederhoalen scholl. Bie Glühwien un Plätzkes wör de Oabend ne ganz tietköttige Veranstaltung. Verlichte wör dat de erste Ansatz, dat de olde Maudersproake doch nich ganz vergett wett.